ay7aga

اي حاجه في اي حاجه و كل حاجه
 
الرئيسيةالبوابةس .و .جبحـثالتسجيلدخول

شاطر | 
 

 شوية ضحك (من احلي النكت)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
wezza
مؤسس المنتدي
avatar

عدد المساهمات : 19
نقاط : 0
تاريخ التسجيل : 19/01/2009

مُساهمةموضوع: شوية ضحك (من احلي النكت)   الإثنين يناير 19, 2009 4:07 pm

• بخيل طاحت فلوسه من فوق السطح نزل مالقاهم ليش ؟ نزل أسرع منهم


واحد قال لأبوه يبا مدرسنا خبل أمس يقول 3+2=5 واليوم يقول 1+4=5


• في غبي اتصل على مطعم قال عندكم عشاء؟ قالوا ايوة قال ليه ما عزمتوني


• محشش اتصل بالخطوط قال : كم تستغرق رحلة جدة بانكوك قاله :لحظة قال شكرا



صعيدي أتقفل على اصبعه الباب الباب ورم


واحد غبي حلق شنبه دخل على أهله وقال تصدقون ماعرفتكم


• كسلان داخل الاختبار وقع منه القلم سلم الورقه


• اختبرشخصيتك : قول: أوء أوء أوء أوء أي أي أي النتيجة:قرد طبيعي 100



%
فيه نذل انقذ واحد غارق ليش؟ عشان مايصير شهيد


واحدة ضاع ابنها الناس قالولها ماتخفيش الحلال مابيضعش قالت يالهوى يبقي ضاع الولد
المدرس : كم حاصل ضرب واحد في ثلاثة ؟
التلميذ : ثلاثة ـ ثم أعطاه المدرس ثلاثة ريالات
فقال التلميذ : ليتني قلت عشرة
سودانى اتجوز سودانية خلفوا ولد اشقر وعيونه زرق سموه المستحيل.



مدرس بيقول للتلاميذ اكتبوا ورايا ذهب محمد إلى مصيف بلطيم يوم الأربعاء فطالب سأله لو سمحت يا أستاذ هي الهمزة علي السطر ولا على ألف، سكت المدرس شوية وبعدين قاله خلاص يا ابني خليها الخميس

واحد واقف أمام محل عصير ومعهوش غير 25قرش قال اشرب عصير ولا اركب الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن

مرة دكتور راح مستشفى المجانين لقى كل العيانين بيتنططوا على السرير,لقى واحد قاعد لوحدة راح ساله قالة هما بيعملوا كدة لية ،رد عليه وقالة فاكرين نفسهم فى حله فشار قالة وانت قاعد كدة لية قالة اصلى لزقت فى قعر الحله

وحده اديت صاحبتها بغبغاء هديه تاني يوم سالتها عن البغبغاء قالتلها عادي زي طعم الفراخ

واحد بيقول لمراته تيجي نعمل جمعيه.اديكى كل يوم بوسه واديكى جنيه !قالتله ماشى. جه على اخر الشهر لقى معاها تسعين جنيه.قالها ايه ياوليه انا مشبديكى كل يوم بوسه وجنيه
.قالتله ماتسكت مش ابو هيثم جارنا دخل بنفرين.

واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط

واحد أعمى فتّح ... من الفرحة اتشل


سألوا واحد صعيدي : مين أهم الشمس ولا القمر رد : القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ


مرة واحد مش عايز يزعل صاحبة الصعيدى لكن عايز يقولة نكتة
فقالة مرة واحد اسكندرانى ففرح اوى لكن كمل النكتة وقالة
كان مربى واحد صعيدى فوق السطوح


قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى فارسلت لهم الاوقاف شيخا آخر وحذرته من الاطالة وصل الامام الجديد
فدخل المسجد وصعد المنبر وحيّا المصلين وسأل : اتعرفون قصة سيدنا يوسف عليه السلام؟ فرد المصلون كلهم: نعم فنظر الامام الى المؤذن وقال: اقم الصلاة ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟ فرد المصلون : نعم فقال لهم : ماتجوش الجمعة الجايـــة


سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى
فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك



مرة واحد قاعد على القهوة زعلان وقدامه كباية شاى راح جاى واحد فتوة ومفترى شرب الشاى وقاله ايه تقدر تعمل حاجة راح الراجل قعد يعيط راح الراجل المفترى قاله كل ده عشان كباية شاى قاله اصل انهارده الدنيا ملطشة معايا قمت من النوم المية مقطوعة وصاحب البيت عايز الايجار والموتسكل بتاع الشغل اتسرق واطردت من الشغل حتى كباية الشاى اللى حطيت فيها السم جيت انت وشربتها


مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!!


مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن وفي يوم راح الشغل ونسي المفتاح. مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيضة في الدولاب
الست قالت عشرين سنه جواز ومرتين بس مش مهم وسالته طب والعشرين الف جنيه
قالها كنت كل ماجمع كرتونه ابيعها

واحد بقول لجاره من فضلك لما تبوس مراتك ابقي اقفل الشباك انا امبارح شايفك وانت بتبوسها
حرام عليك دانا كنت امبارح بايت بره

واحد ماشى فى الصحراء قابل واحد بلدياتنا فبيقلوا انا حران من الشمس
فبلدياتنا قاله وانا محمدين من الارض


مرة واحد اسمة عزوز راح اشتغل عند ميكانيكى صبى صغير .فى يوم قال عزوز لصاحب الورشة انا اعرف رئيس الحى
صاحب الورشة مصدقوش ولكن بعد يومين فعلا مر من قدام الورشة رئيس الحى وسلم على عزوز سلام حار صاحب
الورشة اعجب بعزوز وشغلة اسطى فى الورشة وبعد يومين عزوز قال لصاحب الورشة انا اعرف الوزير قال لة لا ديا
صعبة جدا وفعلا بعد يومين مر الوزير من قدام الورشة وسلم على عزوز ...صاحب الورشة اتجنن وقال لعزوز يابنى انا
هجوزك بنتى وتمسك الورشة مكانى... وبعد يومين قال عزوز لصاحب الورشة انا اعرف كلينتون ولكن صاحب الورشة
المرة ديا قال لعزوز بلاش تهتش على ديا واسعة قوى ..عزوز قاله تعال نسافر وانا هعرفك وفعلا سافروا امريكا
ووقفوا امام البيت الابيض وعزوز قال لصاحب الورشة بص على الشباك الابيض الى فوق ده ..هطلع كمان شوية انا
وكلينتون ونقول لك هاى وفعلا عزوز طلع هو و كلينتون بعد خمس دقائق الراجل صاحب الورشة اغمى علية وراح
المستشفى . ولما فاق عزوز بيسألة انت اغمى عليك علشان شفتنى انا وكلينتون .صاحب الورشة قال لا يابنى انا اغمى
علية علشان انت والريس وافقين فى الشباك عدا من قدامى اثنين امريكان بيسألونى من الى واقف جنب عزوز ده


كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام ابو سريع
علي ابو سريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة ذهاب.. وصلوا
علي البحر وفرشوا علشان يأكلوا وفجأة صرخت ام سريع "تصدق يابوسريع نسينا اهم حاجة نسينا الملاحة عشان الاكل
..اخطف رجلك وروح البلد هاتها .."صرخ ابوسريع وقال لسه هاروح 15سنة رايح و15 سنة جاي يكون الاكل برد الأحسن
نبعت الواد ابوسريع خفيف ولس صغير.."ونادوا ابو سريع وقالولهه بل قالوه وبعتوه مرت السنين...حوالى40 سنة وابو
سريع مجاش السلاحف بدأت تقلق فقالت ام سريع احسن ناكل بدل ماالاكل يبرد ومايجي ابوسريع نعمله اكل ثاني "فجاة
خرج ابوسريع من ورا شجرة وقال يعني لو كنت رحت كنتم كلتم من غيري


واحد خارج فى رحله خلويه مع واحد صاحبه لسانه تقيل .وكانو طالعين على جبل .فقال اللى لسانه تقيل لزميله.
نس...ن..نسي.. الثانى:نس ايه مش وقته الاول: نس نس...نسي..الثانى:بقولك ايه .اصبر لحد ما نطلع و اتكلم براحتك.
المهم طلعوا فقال له: ها كنت عايز تقول ايه؟قال له: نس ..نسى.. نسينا... نسينا الخيام تحت.الثانى:حرام عليك و جاى
تقولى دلوقتى ..تعالى اما ننزل نجيبها.المهم وهما نازلين قال اللى لسانه تقيل لزميله :كو..كو...كوالثانى: كو ايه عايزين
نخلصالاول كو... ك..الثانى:استنى اما ننزل و اتكلم براحتك.ولما نزلو قال له :ها كنت عايز تقول ايه فوق ؟الاول:
كو.. كككككككككو.. كوت..كنت باهزر معاك


مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ
بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ...
وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها
حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان
ولحس منها شوية ولقاها حلوة... قال لهم... شباب طلعوها


واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع
الدور الثانى.......طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له
اطلع الدور الثالث ..... طلع الدور الثالث وقابل موظف اخر وسأله عن الفراخ المدبوحة ومقطعه …. فقال له عايزها
متكيسة ولاّ لأ ؟؟ قال له متكيسة فقال له اطلع الدور الرابع ..... طلع الدور الرابع وقابل موظف اخر وقال له عايز فراخ
مدبوحة ومقطعه ومكيسة فرد الموظف وقال له مافيش فراخ بس ايه رأيك فى النظام
الرجوع الى أعلى الصفحة اذهب الى الأسفل
broken heart
مؤسس المنتدي
avatar

عدد المساهمات : 75
نقاط : 0
تاريخ التسجيل : 22/05/2008
العمر : 27

مُساهمةموضوع: رد: شوية ضحك (من احلي النكت)   الإثنين يناير 19, 2009 4:23 pm

الله عليك يا وزه باشا كتير علينا ولله تسلم ايديك

_________________


(أنـت مـاض و في يديك فــؤادي...........رد قـلـبـي و حـيـث مـا شـئــت فامـضِ )
الرجوع الى أعلى الصفحة اذهب الى الأسفل
http://ay7aga.ace.st
GodFather
مؤسس المنتدي
avatar

عدد المساهمات : 107
نقاط : 0
تاريخ التسجيل : 11/06/2008
العمر : 27
الموقع : http://www.ay7aga.ace.st

مُساهمةموضوع: رد: شوية ضحك (من احلي النكت)   الخميس يناير 22, 2009 1:11 pm

مشكور يا وزة على الموضوع الجامد .........
الرجوع الى أعلى الصفحة اذهب الى الأسفل
http://www.ay7aga.ace.st
 
شوية ضحك (من احلي النكت)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ay7aga :: المنتدي العام :: شويه ضحك-
انتقل الى: